LOS ANGELES — Ibinigay ng Clippers si veteran point guard Russell Westbrook sa Utah Jazz sa isang sign-and-trade deal at mapupunta sa Denver Nuggets.
Sa nasabing kasunduan ay bibilhin ng Utah ang natitirang kontrata ng dating NBA Most Valuable Player awardee sa Los Angeles bago bitawan sa Denver.
Makukuha ng Clippers si guard Kris Dunn mula sa Jazz bilang bahagi ng sign-and-trade deal.
Nagkasundo ang Los Angeles at si Dunn sa isang three-year, $17 million contract na may isang non-guaranteed season sa ikatlong taon.
Tatanggapin naman ng Jazz mula sa Clippers ang isang 2030 second-round pick swap, ang draft rights kay center Balsa Koprivica, ang 57th pick nong 2021 NBA draft, at $4.3 million cash.
Ang 35-anyos na si Westbrook ang pupuno sa naiwang posisyon nina Kentavious Caldwell-Pope at Reggie Jackson sa Nuggets.
“I think we need some help in the backcourt,” sabi ni Denver general manager Calvin Booth.
Nauna nang umalis si All-Star forward Paul George sa Clippers at lumipat sa Philadelphia 76ers matapos sumalang sa free agency.