Ladon pasok sa quarters ng WQT

MANILA, Philippines — Umabante si Rogen Ladon sa quarterfinal round ma­tapos ang second-round knockout win kay Said Mortaji ng Morocco sa World Qualification Tournament sa Busto Arsizio, Italy.

Haharapin ni Ladon sa Round of 16 ng men’s 51 kilogram division si Kiaran Mac­Donald ng Great Bri­tain.

Nagposte si MacDo­nald ng isang referee-stopped-contest (RSC) kontra kay Trinidad and Tobago bet Al Jaleel Ortega Jokhu.

Swak naman si Fil-English John Mar­vin sa Round of 32 ma­tapos biguin si Pouria Amiri ng Iran via RSC sa men’s 92kg class.

Lalabanan ni Marvin si Ke­vin Prudence Lonlon Ko Kuadjovi ng Togo na na­kakuha ng opening round bye.

Samantala, talsik sa kontensyon si Pi­nay warrior Hergie Bac­yadan sa women’s 75kg ma­karaan ang ma­pait na 2-3 split decision loss kay Viviane Pereira ng Brazil sa first round.

Nauna nang nasibak si Riza Pasuit sa first round ng women’s 60kg.