MANILA, Philippines — Madaragdagan ang puwersa ng Cignal HD Spikers dahil magbabalik-indoor volleyball si opposite hitter Jovelyn Gonzaga para sa 2023 Premier Volleyball League (PVL) Invitational Conference sa Hunyo 29.
Galing si Gonzaga sa kampanya sa beach volleyball event ng 32nd Southeast Asian Games sa Phnom Penh, Cambodia kung saan kapares nito si Sisi Rondina.
Ngunit bigo ang beach volley team na makasungkit ng medalya sa Cambodia Games.
Sabik na si Gonzaga na muling makasama ang kanyang teammates sa HD Spikers matapos ang ilang taong pagkakawalay sa kanila.
Isa sa pinakamalapit nitong kaibigan sa HD Spikers si outside hitter Rachel Daquis na nakasama na nito sa iba’t ibang teams gayundin sa national team sa nakalipas.
“Rachel and I’s friendship has stood the test of time. It feels good to be reunited with her and for sure we only have one goal in mind: the championship,” ani Gonzaga.
Alam ni Gonzaga na isa si Daquis sa kasangga nito sa hirap at ginhawa.
“I know that she will fight for me and I will fight for her too and the team,” dagdag ni Gonzaga.