Brickman iginiya ang Aquas sa top spot sa T1 League playoffs
MANILA, Philippines — Sa pangunguna ni Fil-Am Jason Brickman ay inangkin ng Kaohsiung Aquas ang No. 1 seed sa T1 League ng Taiwan matapos ang 119-104 panalo kontra sa Taoyuan Leopards sa Kaohsiung Arena.
Humakot si Brickman ng 16 points, 16 assists, 5 rebounds at 2 steals para gabayan ang Kaohsiung sa pang-limang sunod na panalo at league-best na 21-6 record.
Umiskor si Ferrakohn Hall ng 31 points at may 28 markers si Xavier Alexander para sa Aquas na sinikwat ang top seed sa playoffs sa kabila ng natitirang elimination round schedule.
Susubok ang Kaohsiung na makaiskor pa ng panalo papasok sa playoffs laban sa Tainan TSG GhostHakws sa Sabado at Linggo.
Halos selyado na rin ng Taichung Suns ang No. 2 spot hawak ang 17-9 baraha matapos ang 126-101 panalo sa Tainan sa likod ng 27 points ni Fil-Am Jordan Heading.
Nagdagdag din si Heading ng 7 rebounds at 5 assists.
- Latest
