MANILA, Philippines — Dalawang araw na karera ang umuugong na pakakawalan ng Metro Manila Turf Club Inc. (MMTCI) sa Agosto 24 at Agosto 29.
Pero kailangan pa itong maging pormal kaya nag-aabangan ang mga karerista sa mga anunsyong ilalabas sa social media. “We will have races on the following dates next week in MMTCI-- Aug. 24 max of 10-races ang Aug. 29 max of 15 races,” ayon sa kumalat na message ni Philracom Chairman Reli de Leon. “Please wait for official announcement.”
Sakaling maging opisyal ay tiyak na ang paglarga ng 2nd Leg ng Triple Crown series sa Agosto 29 na gaganapin sa Metro Turf, Malvar sa Tanauan City, Batangas.
Sa MetroTurf lang ang mga karera sapul nang higpitan ang quarantine sa NCR at Cavite kung saan naroroon ang Sta. Ana Race Park sa Naic at San Lazaro Leisure Park sa Carmona.