MANILA, Philippines — Ang pagrereyna ng F2 Logistics sa Philippine Super Liga (PSL) All-Filipino Conference ang pag-uusapan sa Philippine Sportswriters Association Forum ngayon sa Amelie Hotel-Manila.
Ibabahagi nina volleyball stars Kim Fajardo, Dawn Macandili, Alex Cabanos at MVP Kalei Mau ang kanilang karanasan sa pagrereyna sa nakaraang PSL All-Filipino Conference.
Samantala, tatalakayin ang 82nd season of the University Athletic Association of the Philippines, bubuksan ang centerpiece event na men’s basketball tournament bukas, sa pamamagitan nina Executive Director Rebo Saguisag at Commissioner for basketball Jensen Ilagan.
Muli namang bibisita si Manny Pacquiao (MP) Promotions President Sean Gibbons sa pang alas-10 ng umagang public sports program na inihahandog ng San Miguel Corp., Braska Restaurant, Amelie Hotel, at Philippine Amusement and Gaming Corporation (PAGCOR) para ilahad ang all-Filipino world title fight sa pagitan nina Samuel Salva at Pedro Taduran para sa bakanteng International Boxing federation minimum weight crown.