4 NBA teams interesado kay Johnson

PHILADELPHIA - Apat na koponan ang nagpahayag ng interes na kunin ang serbisyo ni veteran shooting guard Joe Johnson.

Ang 17-year veteran na naglaro noong 2017-18 season para sa Utah Jazz at Houston Rockets ay sasabak sa work out ng 76ers, Los Angeles Clippers, Milwaukee Bucks at Denver Nuggets.

Interesado rin ang New Orleans Pelicans kay Johnson.

Humataw siya ng league-record na 175 points sa walong laro sa Big Three tournament sa New Orleans at nagsalpak ng 39.0 percent shooting sa three-point range.

Samantala, inilunsad ng Utah Jazz ang kanilang Classic Edition uniforms para sa darating na 2019-20 season.

Ibinalik ng Jazz ang kanilang purple mountain theme para ikonekta sa kanilang mga Jazz players.

Sa 11 home at mga piling ‘away games’ ngayong season, isusuot ng mga Utah players ang purple uniforms base sa road kits mula noong 1996-2004, ang panahon na tinampukan ng kanilang back-to-back trips sa NBA Finals noong 1997 at 1998.

Unang ibinunyag ang Classic Edition uniforms sa Jazz via social media sa isang special animated video kung saan ikinonekta ang jerseys nina dating Jazz players Jeff Hornacek, Karl Malone at John Stockton kina Mike Conley, Rudy Gobert at Donovan Mitchell.