Texters nakaeskapo sa Kings sa game 1

MANILA, Philippines – Muling pinatunayan ng Tropang Texters na hin­di lamang si import Terrence Jones ang ma­a­sahan nila sa krusyal na bahagi ng laro.

Umiskor sina Jones at big man Troy Rosario ng tig-24 points para akayin ang TNT Katropa sa 95-92 panalo laban sa nag­de­depensang Barangay Gi­nebra sa Game One ng ka­nilang semifinals wars sa 2019 PBA Commis­sio­ner’s Cup kagabi sa Smart Araneta Coliseum.

“Sa mga practices namin talagang ma-involve na­min ‘yung mga temmates namin para sa mga ga­nitong sitwasyon,” ani Rosario ukol sa pagba­ngon ng Tropang Texters mu­la sa 62-72 agwat sa third period patungo sa pag-agaw sa 1-0 bentahe sa kanilang best-of-five se­­mis duel ng Gin Kings.

Umarangkada ang TNT Katropa sa fourth pe­riod kung saan ang drive ni Jones sa huling 10.9 segundo ang nagbi­gay sa kanila ng 95-93 abante ka­sunod ang mintis na tres ni Joe Devance sa po­sesyon ng Ginebra.

Samantala, aminado si coach Ca­loy Garcia na de­hado ang kanyang Rain or Shine sa kanilang best-of-five se­mifinals duel ng San Mi­guel.

Ngunit tiniyak niyang lalaban nang sabayan ang Elasto Painters sa Beermen, ang five-time PBA Philippine Cup cham­pions.

Magtutuos ang Rain or Shine at San Miguel ngayong alas-6:30 ng gabi sa Game One ng ka­­nilang semifinals duel sa Big Dome.

Tinakasan ng Beermen ang Elasto Painters, 89-87, sa unang pag­tu­tu­os ni­­la noong Hulyo 13.