Butler lumipat sa Heat

MIAMI -- Nakumpleto na ang paglipat ni All-Star guard Jimmy Butler sa Heat.

Pumasok ang Miami sa isang four-team trade kasama ang Philadelphia 76ers, Los Angeles Clippers at Portland Trail Blazers.

Nakuha ng Heat sina Butler at Me-yers Leonard habang nahugot ng Bla-zers si Hassan Whiteside, napasakamay ng Clippers si Maurice Harkless at isang future first-round pick at idinagdag ng 76ers si Josh Richardson.

Pumayag ang Miami na ibigay si Whiteside sa Portland kapalit nina Hark-less at Leonard at nakuha si Butler, pi-pirma sa isang $142 million, four-year deal, mula sa Philadelphia.

Sa iba pang balita, kinuha ng New Orleans Pelicans si veteran center Derrick Favors mula sa Utah Jazz kapalit ng dalawang second-round draft choices.

Pinakawalan ng Jazz ang 6-foot-10 na si Favors matapos makuha si free agent center Bojan Bogdanovic na ga-ling sa Indiana Pacers.

Nakipagkasundo ang New York Knicks kay guard Elfrid Payton para sa isang two-year contract.

Si Payton ang pang-limang player na nakuha ng Knicks matapos sina forward Julius Randle, Bobby Portis, Taj Gibson, Reggie Bullock at Wayne Ellington.

Pipirma naman si dating Portland Trail Blazers forward Enes Kanter ng isang two-year, $10 million deal para maglaro sa Celtics.

Pumayag si Seth Curry, ang naka-babatang kapatid ni Stephen, na lumipat sa Dallas Mavericks para sa $32 million, four-year contract.