Azkals hihirit ng tsansa sa No. 3
MANILA, Philippines – Nagposte ng magkahiwalay na panalo ang North Korea at ang Uzbekistan para sa kanilang agawan sa Group H honors sa 2015 FIFA World Cup Qualifiers.
Dahilan dito ay tuluyan nang nasibak ang Philippine Azkals sa labanan para sa korona.
Sinabi ni team manager Dan Palami na ang puwesto sa ikatlo ang tanging habol na lamang ng Azkals para makalaro sa Asian Cup qualifying.
“The goal is still there - to be playing in the Asian Cup,” sabi ni Palami sa hangarin ng Azkals.
May 7 points ang Azkals na nakalasap ng 0-2 kabiguan sa Yemen noong nakaraang linggo.
Kahit talunin ng Azkals ang Uzbekistan at ang North Korea sa Marso ay hindi na rin sila makakahabol para sa Top Two seats.
Kaagaw ng Azkals para sa No. 3 berth sa Group H ang Bahrain (6 points) na gagarantiya ng tiket sa third round ng AFC Asian Cup Qualifiers.
Tinalo naman ng North Koreans ang Bahrain sa Kim Il Sung Stadium sa Pyongyang, 2-0, habang pinadapa naman ng Uzbekistan ang Yemen, 3-1, para sa kanilang 15 points. (OL)
- Latest
