Perpetual winakasan ang ratsada ng Pirates

MANILA, Philippines - Ginamit ng Perpe­tual Help ang kanilang de­pensa para wakasan ang dalawang sunod na rat­sada ng Lyceum.

Inilampaso ng Altas ang Pirates, 70-42, para ma­natili sa ikatlong puwesto sa second round ng 91st NCAA men’s basketball tournament ka­hapon sa The Arena sa San Juan City.

Umiskor si John Yla­gan ng career-best na 15 points mula sa kanyang limang tres, habang kumamada si 6-foot-11 Ni­gerian giant Prince Eze ng 18 points, 19 rebounds at 6 blocks.

Itinala naman ni 2014 MVP Earl Scottie Thompson, ang No. 5 overall pick ng Ginebra sa 2015 PBA Rookie Draft, ang kanyang ika­apat na triple-double sa 13 points, 12 rebounds at 10 assists.

Nagmula ang Perpe­tual sa 65-70 kabiguan sa Mapua.

Hindi naman nata­pos ni 6’8 Nigerian im­port Bright Akhuetie ma­tapos magkaroon ng shoulder injury sa se­cond quarter.

Samantala, tinakasan ng Arellano University ang St. Benilde, 86-82, para sa kanilang pang-p­i­tong panalo.

Nakabawi ang Chiefs mula sa 112-114 double overtime loss sa Jose Ri­zal Heavy Bombers.

Sa juniors' action, ti­nalo ng Junior Pirates ang Junior Altas, 88-74, para sa kanilang 8-3 mar­ka, habang binigo ng Junior Blazers ang Ju­nior Chiefs, 80-67, pa­ra sa 6-5 baraha.