Malaysian sa stage 3; Galedo babawi sa Stage 4

LINGAYEN, Pangasinan, Philippines  --  Na­sa­yang ang ipi­­nundar na mahigit sa  wa­­­long minutong kala­ma­ngan ng tat­long sik­lista nang lamunin sila ng ma­laking pulutong kung saan lumutang si Ha­riff Salleh ng Malaysian Continental team na Terengganu Cycling Team  na winner sa 149.34 kms Iba-Linga­yen Stage Three ng 2015 Le Tour de Filipinas  na handog ng Air21 kasama ang MVP Sports Foundation kahapon.

Maagang kumawala sina Theodore Yates ng Na­vitas Satalyst Racing Team (Australia), Jang Sun Jae RTS Santic Ra­cing Team (Taiwan), at Hi­roki Tsubaki Bridgestone Anchor Cycling Team (Japan) na nasa una­han ng karera ng halos 100 kilometro ngunit unti-unting nahabol ng mala­king pulutong pagpasok sa huling 50-kilometro ng karera sa parte ng Sual at tu­luyang nalamon sa hu­ling 10 kilometro.

Pinangunahan ni Sal­leh ang mala­king grupo ng mga siklistang tuma­wid ng fi­nish line sa Linga­yen Provincial Ca­pi­tol sa pa­re-parehong tiyem­pong 3 oras, 38 minuto at 35 se­gundo kasama ang mga top contenders ng karerang suportado rin ng Vic­to­ry Liner, San Mig Zero, No­vo Nordisk Pharmaceuticals Phils. at Canon at may road partners na Isuzu, MAN Truck and Bus, Viking Rent-A-Car at NLEX.

“My team really worked together and helped me win the stage to­day. The course is not so hot today unlike yesterday,” sabi ng 26-anyos na si Sallef na sinundan nina Mehdi Sohrabi ng Iran con­tinental team na Tabriz Petrochemical Team at Tino Thomel ng Taiwan continental team na RTS Santic Racing Team bilang stage runner-up at third placer.

Nasa likuran lamang ni­la kasama ng grupo ang mga naglalaban para sa titulo na sina Eric Thomas Sheppard ng Team Novo Nordisck (USA), defen­ding champion Mark Ga­ledo ng continental team na 7-Eleven Road Bike Philippines at Thomas Lebas  ng Bridgestone Anchor Cycling Team  ng Japan kaya’t walang naging paggalaw ang top three sa in­dividual general classification ng tanging UCI-sanctioned event na ito na inorganisa ng Ube Media Inc. na pinamumunuan ni  Donna Lina-Flavier.

Matapos ang tatlong araw na karera, si Sheppard ay may total time na 10:46:06 at nanatiling 3 segundo ang agwat ni Ga­ledo at 4 segundo naman si Lebas.