Purefoods makikisosyo sa liderato; Reyes, Peña at Chua maglilipatan

MANILA, Philippines – Bubuksan ng Alaska, ang runner-up sa PBA Phi­lippine Cup, at NLEX ang kani-ka­nilang kampanya laban sa dalawang bi­gating ko­po­nan.

Lalabanan ng Aces ang Pure­foods Hotshots nga­yong alas-7 ng gabi at makakatapat naman ng Road Warriors ang Rain or Shine Elasto Painters sa alas-4:15 ng hapon sa 2015 PBA Commissio­ner’s Cup sa Smart Arane­ta Coliseum.

Nagmula ang Alaska sa pagkatalo sa nagkampeong San Miguel sa na­ka­lipas na PBA Philippine Cup.

“We expect Alaska to come out firing on all cy­lin­ders and we’re bracing for a tough, tough game,” wika ni Hotshots’ coach Tim Cone sa Aces.

Habang hinihintay ng Hotshots ang pagdating ni 6-foot-9 import Da­niel Orton ay si 6’4 import Marqus Blakely ang ka­nila munang isasalang.

Humakot si Blakely, naghatid sa Purefoods sa titulo ng nakaraang PBA Governors’ Cup, ng 26 points at 7 shotblocks sa kanilang 83-70 panalo sa Globalport.

Itatapat naman ng Alas­­ka si 6’9 reinforcement DJ Covington.

Sa unang laro ay ita­tampok ng NLEX si NBA vete­ran Al Thornton laban kay Rain or Shine import Rick Jackson.

Nanggaling ang Elasto Painters ni mentor Yeng Guiao mula sa 86-89 ka­biguan sa Talk ‘N Text Tro­pang Texters.

Samantala, pinaplan­tsa naman ng San Miguel, Barangay Ginebra at Ba­rako Bull ang isang three-player trade.

Dadalhin ng Beermen si Justin Chua sa Energy, habang ibibigay ng Gin Kings si Jay-R Reyes sa Beer­men at lilipat si Do­­rian Peña sa Ginebra.