MANILA, Philippines - Kumolekta ang San Beda Red Lions ng season-high sa puntos kay Ola Adeogun, habang may 10 tres na naipasok ang mga shooters patungo sa 78-54 panalo laban sa St. Benilde Blazers sa 90th NCAA men’s basketball kahapon sa The Arena sa San Juan City.
Tumapos si Adeogun bitbit ang 28 puntos bukod sa 16 rebounds at 2 blocks para manalasa ito sa ilalim.
Nasabayan pa ito ng magandang buslo sa 3-point line sa second half nina Baser Amer at Von Abatayo para maipaghiganti rin ng four-time defending champions ang unang pagkatalo sa season na ipinalasap ng Blazers, 76-83, noong Hulyo 28.
Naghatid si Amer ng 13 puntos, habang si Abatayo ay may siyam mula sa tatlong rainbow shots para kalmutin ng Lions ang ika-10 panalo matapos ang 12 laro.
San Beda 78 -- Adeogun 28, Amer 13, Koga 9, Abatayo 9, Dela Cruz 6, Sara 5, Mendoza 4, A. Semerad 2, Mocon 2, D. Semerad 0, Pascual 0.
CSB 54 -- Taha 12, Grey 10, Saavedra 9, Sinco 7, Bartolo 6, Romero 5, Nayve 3, Ongteco 2, Jonson 0, Pajarillaga 0, Altamirano 0.
Quarterscores: 9-16, 26-21, 53-34, 78-54.