Pringle handang-handa na sa bakbakan sa PBA

MANILA, Philippines - Ngayon pa lamang ay da­pat nang pangilagan ang three-guard rotation ng Globalport para sa da­ra­ting na 40th season ng PBA sa Oktubre.

Ito ang babala ni team owner Mikee Romero ma­tapos kunin si Fil-Am guard Stanley Pringle bilang No. 1 overall pick ng 2014 PBA Rookie Draft no­ong Linggo.

Sinabi ni Romero na ihahanay niya ang 27-anyos na si Pringle ki­na guards Alex Cabagnot at Terrence Romeo.

“It should be a challenge for the coaches as well as for team management kung paano papai­ku­tan ‘yung three-headed monster,” sabi ni Romero kina Pringle, Cabagnot at Romeo.

Ang 5-foot-11 na si Pringle ay naglaro na sa Asean Basketball League bukod pa sa pagkampan­ya sa Belgium, Poland at Ukraine.

“I can bring a little more experience since this is not my first professio­nal season,” wika ni Pringle, anak ng isang retiradong US Na­­vy veteran na si Stanley Sr. at ni Filipina El­vira Ojano Andres ng Ca­ga­yan Valley.

Maliban kay Pringle, kinuha din ng Batang Pier sa PBA Draft sina Fil-Australian forward An­thony Semerad ng San Beda, center Prince Ca­peral at guard John Pinto ng Arellano.