Mavs, Nowitzki nagkasundo sa 3-year deal

MANILA, Philippines - Nagkasundo si Dirk Nowitzki at ang Dallas Mave-ricks sa inaasahang magiging huling kontrata ng German player.

Sinabi ng taong may alam tungkol sa nangyaring kasunduan sa The Associated Press nitong Huwebes na nagkakahalaga ng tinatayang $30 million. Ngunit sa Huwebes pa magkakapirmahan base sa NBA moratorium.

Nabawasan ng malaki ang kikitain ng 36-gulang na si Nowitzki na tulad ng pinirmahan ni Duncan sa San Antonio dalawang taon na ang nakakaraan.

Ginamit din ni Duncan, pumayag sa mas mababa pang sahod, ang kanyang player option para makabalik sa  final season ng kanyang deal matapos tulungan ang Spurs na manalo ng ikalimang titulo sapul noong 1999.

Katatapos lamang ni Nowitzki ng four-year deal na nagkakahalaga ng $80 million.