MANILA, Philippines - Dalawang ilulunsad na events ang tatalakayin ngayong umaga sa Philippine Sportswriters Association (PSA) Forum sa Shakey’s Malate.
Magiging panauhin si Samahang Basketbol ng Pilipinas (SBP) executive director Sonny Barrios sa public sports program na isinasaere sa DZSR Sports Radio 918 at inihahandog ng Accel, Shakey’s at ng Philippine Amusement and Gaming Corporation.
Makakasama niya si Nick Maywald ng Sporting Pulse na maglulunsad ng kanilang website para sa kampanya ng Gilas Pilipinas sa darating na FIBA-World Cup sa Spain.
Magiging bisita rin sa forum sina Jackie Ampil, ang social investment manager ng Pilipinas Shell at tournament director Alexander Dinoy para sa Shell Active Chess.
Inimbitahan din si 2013 kiddies girls grand finals champion Jesca Docen.
Hinihiling ni PSA president Jun Lomibao ng Business Mirror na dumalo ang mga miyembro sa alas- 10:30 ng umagang sesyon at maaari ring bisitahin ang official PSA website na www.psamedia.ph o mag-email sa philsportswriterassociation@gmail.com.