MANILA, Philippines - Nakitaan ng tiyaga ang Adamson, habang ang angking tangkad ang inilabas ng nagdedepensang National University para manalo sa kanilang mga katunggali sa semifinal round ng Shakey’s V-League Season 11 First Conference kahapon sa The Arena sa San Juan CiÂty.
Nagkapit-kamay sina Sheila Pineda, Pau SoriaÂno at Patcharee SangmuÂang upang makabangon ang Lady Falcons mula sa 22-24 iskor sa ikatlong set at dagitin ang 1-0 abante sa kanilang best-of-three series ng FEU mula sa 19-25, 22-25, 26-24, 25-15, 15-12 panalo.
Si Pineda ay may 21 kills tungo sa 22 puntos, haÂbang 19 attacks at 21 puntos ang inilista ni SangÂmuang.
Hindi nagpahuli si SoÂriano na may 12 puntos.
Naghatid ng 19 digs si Pineda para katampukan ang matibay na depensa ng Lady Falcons na lumaÂpit sa isang panalo patuÂngo sa Finals sa ligang inorÂganisa ng Sports ViÂsion katuwang ang ShaÂkey’s.
May 24 puntos si Jovelyn Gonzaga at 16 ang hatid ni Rachelle Ann Daquis.
Sina Dindin at Jaja SanÂtiago ang namuno paÂra sa Lady Bulldogs sa 25-20, 25-23, 22-25, 25-22 tagumpay laban sa UST Tigresses para maÂmuro na makabalik sa championship round sa ligang may basbas pa ng Mikasa, Accel at Lion Tiger Mosquito Coil.