MANILA, Philippines - Apat na pangunahing sports events ang tatalakayin sa Philippine Sportswriters Association (PSA) Forum ngayon sa Shakey’s Malate.
Dadalo sina Commissioner Jolly Gomez ng Philippine Sports Commission (PSC), reigning World Boxing Organization (WBO) light-flyweight champion Donnie Nietes, Philippine Tennis Association (Philta) vice president Randy Villanueva at sina PXC fighters Gina Iniong at Rolando Dy sa weekly forum na isinasaere sa DZSR Sports Radio at inihahandog ng Accel, Shakey’s at Philippine Amusement and Gaming Corp.
Makakasama ni Gomez si Dr. Antonio Labres na kakatawan kay Marikina City mayor Del De Guzman at sina Little League officials Jolly at Chito Gonzales na tatalakay sa 75th anniversary ng Little League International at ang pagdaraos ng Little League Philippine Series. Ilalahad naman ni Nietes ang kanyang title rematch kay Moises Fuentes.