Birrell, Kang pasok sa finals

MANILA, Philippines - Nagpatuloy ang sor­pre­sa sa 25th Mitsubishi In­ternational Junior Tennis Championships nang masibak sina top seeds Ka­tie Boulter ng Great Bri­tain at Harry Bour­chier ng Australia sa se­mifinal round kahapon sa Rizal Tennis Center.

Pinatalsik ni third seed Kimberly Birrell ng Australia si Boulter, 2-6, 6-2, 7-6(3), para pumasok sa finals ng girls’ division.

Tinalo naman ni fourth pick Kang Ku Keon ng South Korea si Bour­chier, 7-6(5), 6-3, pa­tungo sa finals ng boy’s category.

Ito ang unang finals stint ni Birrell sa isang Grade 1 tournament ma­tapos umabante sa quarterfinals sa Grade 1 events sa Malaysia at Thailand.

Binigo ni Birrell si Boul­ter sa ikalawang pag­kakataon sa kanilang tat­long pagkikita.

Makakatapat ngayon ni Birrell sa finals si No. 14 Gloria Liang ng Ca­nada, nagpayukod kay No. 15 Raveena Kingsley ng United States, 6-3, 6-4, sa semis.

Sasagupain naman ni Kang si unseeded Rhett Purcell ng Great Britain, iginupo si No. 8 Bogdan Bobrov ng Russia, sa finals.