Lady Archers sa Finals ng UAAP

Laro NGAYON

(The Arena, San Juan)

2 p.m. - UP vs UE (Women)

4 p.m - Ateneo vs FEU (Women)

MANILA, Philippines - Naisakatuparan ng La Salle ang hangad na makaa­ban­te sa UAAP women’s volleyball Finals nang padapain ang National University, 14-25, 26-24, 25-21, 25-20, kagabi sa Smart Araneta Coliseum.

Inilabas ng Lady Archers ang puso ng isang three-time defending champion sa se­cond set nang isantabi ang pagka­wala ng malaking kala­mangan at naitabla ang set sa dalawang errors ng Lady Bulldogs bago gu­mawa ang kanilang bloc­king at mga kills ga­ling kay Abi Maraño sa sumunod na dalawang sets.

Ito ang ika-14 sunod na panalo ng La Salle patungo sa Finals bitbit ang ‘thrice-to-beat’ advantage.

Hawak naman ng Lady Bulldogs ang ‘twice-to-beat advantage’ sa step-ladder semifinals at may magandang tsansang makarating sa Finals sa unang pagkakataon.

Tinalo naman ng sibak nang UST ang Adamson, 25-23, 25-18, 23-25, 25-15, sa unang laro.