Tamaraws inangkin ang Final Four seat

MANILA, Philippines - Bumangon ang Far Eastern University mula sa dalawang sunod na ka­malasan para angkinin ang tiket sa Final Four matapos talunin ang A­damson University, 92-80, sa second round ng 76th UAAP men’s basket­ball tournament kagabi sa Mall of Asia Arena sa Pasay City.

Umiskor si guard Terrence Romeo ng 32 points para banderahan ang tagumpay ng Tamaraws.

Isang 19-3 atake sa likod ni Romeo ang ginawa ng FEU third period para kunin ang 63-45 kalamangan matapos makuha ng Adamson ang 23-21 abante sa first quarter.

Gumanti naman ang Falcons ng isang 10-2 atake sa pangunguna nina Roider Cabrera at Harry Petilos bago ang salaksak ni RR Garcia na muling naglayo sa Tamaraws sa 67-55 papunta sa final period.

Ang three-point shot ni Romeo ang nagpadyak sa 80-61 kalamangan ng FEU sa huling limang mi­nuto ng laro.

Sa unang laro, pinayu­kod ng University of Sto. Tomas ang Universi­ty of the Philippines, 63-39, para palakasin ang ka­ni­lang tsansa sa isang silya sa Final Four.

Kumolekta si Aljon Ma­riano ng 18 points at 10 rebounds para sa UST, habang nagdagdag si import Karim Abdul ng 21 boards, 7 points at 4 blocks.

Ang 39 points ng UP ang dumuplika sa naiskor ng National University kon­­tra sa five-time champions Ateneo De Manila Uni­­versity noong Set­yem­bre  11, 2001.

UST 63 - Mariano 18, Ferrer 12, Teng 9, Daquioag 9 Abdul 7, Bautista 3, Pe 2, Faundo 2, Lao 1, Lo 0, Sheriff 0, Hainga 0, Tan 0.

UP 39 - Marata 12, Lao 6, Soyud 5, Ball 5, Wong 2, Sua­rez 2, Gallarza 2, Desiderio 2, Asilum 2, Harris 1, Pascual 0, Paras 0, Gingerich 0, Amar 0.

Quarterscores: 14-13; 23-20; 40-33; 63-39.

FEU 92 – Romeo 32, Belo 18, Garcia 14, Cruz 8, Mendoza 7, Tolomia 5, Sentcheu 2, Pogoy 2, Lee Yu 2, Jose 2, Iñigo 0, Luz 0, Dennison 0, Delfinado 0, Aguilon 0.

Adamson 80 – Trollano 25, Cruz 13, Rios 11, Brondial 9, Iñigo 7, Sewa 6, Petilos 3, Cabrera 3, Cabigas 2, Monteclaro 1, Ochea 0, Julkipli 0, Agustin 0.

Quarterscores: 21-23; 44-40; 67-55; 92-80.