Nash maglalaro muna ng football

LOS ANGELES -- Naniniwala si Steve Nash na mas maaga sa kanyang iskedyul si Kobe Bryant kaugnay sa kanyang pagbangon mula sa isang Achilles’ sur­gery.

At kumpiyansa siya na makukuha ng Los Angeles La­kers ang chemistry na wala sa kanila noong nakaraang season.

Ngunit hindi ang basketball ang nakatakdang laruin ni Nash.

Sandaling muling magiging isang football player ang two-time NBA MVP na si Nash.

Sasalang ang Lakers guard sa isang tryout sa Inter Milan bago sumabak ng koponan sa Guinness Interna­tional Champions Cup tournament sa susunod na ling­go.

Tampok sa torneo ang walong club teams mula sa iba’t ibang bansa.

“It’s a dream come true to get a chance to try out, not just to try out but to take the field with Inter Milan, one of the great, storied franchises in professional sports,” wika ni Nash sa panayam ng The Associated Press. “I feel like a little kid.”