LeBron bibisita sa Pinas sa Hulyo 23

MANILA, Philippines - Sa unang pagkakata­on ay bibisita si NBA su­perstar LeBron James ng back-to-back NBA cham­pions Miami Heat sa Pilipinas sa Hulyo 23.

Ito ang inihayag kaha­pon ng Nike Philippines bi­lang bahagi ng kanilang ‘Leave a Message’ campaign na idinesenyo para ma­bigyan ng inspirasyon ang mga batang atletang Fi­lipino na magtiyaga at mag­pursige kagaya ni Ja­mes.

Matapos talunin ng Heat ang San Antonio Spurs sa NBA Finals para sa kanilang ikalawang sunod na korona, nakipagdiwang ang Nike sa pagdiriwang sa pamamagitan ng ka­nilang ‘Leave a Message’ campaign sa mga so­cial at digital message chan­nels.

Itinampok dito ang pag­bati sa answering machine kay James ng mga bas­ketball stars at perso­na­lidad na kanyang na­ging inspirasyon kagaya ni­na Spike Lee, Warren Buf­fet, Dr. Dre, Coach K, Phil Knight, Drake, Bill Rus­sell at mga batang mu­la sa The LeBron James Family Foundation.

Magkakaroon din ng tsansa ang mga Filipino fans na mag-iwan ng per­so­nal message kay James sa pamamagitan ng social me­dia katulad ng Twitter at Facebook, radio at retail activation na nagsimula na kahapon.

Sa pagbisita sa Nike Bas­ketball Facebook at sa  Twitter pages, maaaring mag-iwan ang mga fans ng kanilang mensahe para sa two-time champion at four-time MVP awardee na si James na kinilalang ‘The King’ sa NBA.

Maaaring makita ng mga Filipino fans ng per­so­nal si James sa Hulyo 23.

Ang mga tiket ay ipa­pa­mahagi sa Nike Park sa Hulyo 17 sa ganap na alas-12 ng tanghali sa Bo­nifacio Global City.

Ito ay libre at ibibigay sa first-come, first-served ba­sis.