Naapektuhan ng right shoulder injury: Cuello natalo kay Zhong via decision

MANILA, Philippines - Isang dislocated right shoulder injury ang nag­pa­hina kay Filipino challenger Denver Cuello na sinamantala ni world mi­nimumweight champion Xiong Zhao Zhong ng Chi­na para mapanatiling ha­wak ang kanyang koro­na noong Biyernes ng ga­bi sa World Trade Centre sa Dubai, United Arab Emi­­rates.

Tinalo ni Zhong si Cuel­lo via majority deci­sion upang patuloy na isu­ot ang kanyang World Bo­xing Council mini­mum­weight belt.

Tumanggap ang 30-anyos na si Zhong ng mga iskor na 113-113, 115-112 at 113-110 para bi­guin ang 26-anyos na si Cuello.

Napabagsak ni Cuello (33-5-6, 21 knockouts) si Zhong (21-4-1, 11 KOs) sa first round mula sa kanyang left straight hanggang makabangon ang Chi­nese titlist sa sumunod na mga rounds.

Ang right shoulder injury ng tubong Cabautan, Ilo­ilo ang siyang sinaman­tala ni Zhong.

“It was a very tough, very close fight,” wika ni Zhong sa naging laban ni­la ni Cuello, tatlong ta­on ang hinintay para sa pag­kakataong mapalaban sa isang world boxing crown.

Nagkaroon ng putok sa kanyang ulo si Cuello nang magkabanggaan ang kanilang mga ulo ni Zhong sa ninth round na nag­resulta sa one-point de­duction ng Chinese.

Sa kabila nito, nakuha pa rin ni Zhong ang pabor ng mga judges.

“I don’t know what hap­pened there. Denver clear­ly deserved to win, so we are really disappoin­ted,” ani Aljoe Jaro, ang manager ni Cuello. “Hopefully, we will get ano­ther chance.”

Nabigo si Cuello na dup­likahan ang pagi­ging ba­gong IBO super flyweight champion ni Edrin Da­pudong.