NU kontra Adamson sa ‘do-or-die’ Game Three
LARO NGAYON
(The Arena, San Juan City)
4 p.m. National U vs Adamson (Game 3)
MANILA, Philippines - Magkakaalaman na kung sino sa National UniverÂsity at Adamson ang sisikwat sa ikalawa at huling finals berth sa kanilang ‘do-or-die’ Game Three sa Shakey’s V-League Season 10 First Conference ngaÂyong hapon sa The Arena sa San Juan City.
Tabla sa 1-1 ang kanilang best-of-three semifinals series at ang mananalo sa pang alas-4 ng hapong laÂro ang makakatapat ng two-time defending champion Ateneo.
Winalis ng Lady Eagles ang UST Tigresses, 2-0, sa kanilang semis showdown.
Unang nanalo ang Lady Falcons, 22-25, 25-18, 25-19, 22-25, 15-13, pero bumangon ang Lady Bulldogs sa pamamagitan ng 20-25, 25-21, 24-26, 25-21, 15-12 tagumpay sa Game Two.
Ang ginawang pagbangon ng NU mula sa 2-1 iskor sa laro ay patunay na kaya nilang makipagsabaÂyan sa mas beteranong kalaban tulad ng Adamson.
Isasandal ng Lady Bulldogs ang kanilang laban kina Dindin Santiago, Jaja Santiago at Myla Pablo bukod pa kina Rubie De Leon at Jennylyn Reyes.
Isa ring bagay na sasandalan ng Lady Bulldogs ay ang husay sa blocking na naipakita sa Game Two sa kinuhang 16-2 bentahe.
- Latest
