MANILA, Philippines - Hindi nagpabaya ang mga inaasahang manlalaro ng Perpetual Help para walisin ang University of San Carlos-Cebu, 25-14, 25-19, 25-19, sa pagpapatuloy ng Shakey’s V-League Season 10 First Confe-rence kahapon sa The Arena sa San Juan City.
Kailangang manalo para makaabante sa quarterfinals sa Group B sa ligang inorganisa ng Sports Vision katuwang ang Shakey’s, humataw sina April Ann Sartin, Honey Rose Tubino, Norie Jane Diaz at Joy Cases para kunin ang unang panalo matapos ang dalawang dikit na talo.
May tig-11 hit sina Sartin at Tubino na nagmula sa tig-walong kills. Si Tubino ay mayroong tatlong service aces habang dalawang aces at isang block ang idinagdag ni Sartin.
Dalawang blocks tu-ngo sa 9 hits ang ibinigay ni Diaz habang si Cases ay may walong hits para sa NCAA champion Perpetual na kinailangan lamang ang isang oras at 11 minuto para patalsikin ang CESAFI champion Lady Warriors sa larong may ayuda rin ng Accel at Mikasa.
Tatlong kamador ng UST ang todo-todo ring naglaro para ibigay sa Lady Tigresses ang 25-16, 25-23, 25-20, tagumpay sa Letran sa isa pang laro.
Ikatlong panalo sa 4- laro ang nakuha ng Lady Tigresses sa Group A at sina Aiza Maizo, Maika Ortiz at Pamela Lastimosa ay nagsanib sa 40 hits.