Pangalan ni Manny Pacquiao inalis ni Bradley sa Top Three

MANILA, Philippines - Hindi na isinama ni WBO titleholder Timothy Bradley, Jr. si Filipi­no world eight-division cham­pion Manny Pacquiao sa Top Three sa wel­terweight division.

Sa panayam ng ESPN, sinabi ni Bradley na inila­lagay niya ang kanyang sa­rili sa No. 2 sa ilalim ng No. 1 na si WBC titlist Floyd Mayweather Jr. ka­su­nod ang No. 3 na si Juan Ma­nuel Marquez.

Ayon kay Bradley, dahil sa dalawang kabiguan ni Pacquiao noong naka­raang taon ay wala na ito sa Top Three sa welterweight class.

“The best boxer at 147 pounds. Top three. You’ve gotta go with No. 1, Mayweather. Mayweather, No. 1. No. 2 is me,” ani Bradley. “And No. 3 is Marquez. Marquez is next. Man­ny’s gone. Marquez knocked him out, so he’s out of the equation now.”

Inagaw ni Bradley ang dating suot na WBO welterweight belt ni Pacquiao via split decision noong Hun­yo 9 kasunod ang pag­papatulog ni Marquez kay ‘Pacman’ sa sixth round sa kanilang ikaapat na paghaharap noong Dis­­yembre 8, 2012.

Matagumpay na nai­depensa ni Bradley ang na­turang WBO title kon­tra kay Russian chal­len­ger Ruslan Provodni­kov.

Kumpiyansa naman ang kam­po ni Marquez na maseselyuhan ang paghahamon ng Mexican kay Bradley sa Setyembre 14 sa Thomas & Mack Center sa Las Vegas, Nevada.

Sinabi ni Fernando Bel­tran ng Zanfer Promo­tions na hindi na kaila­ngang labanan ni Marquez si Pacquiao sa pang li­mang pagkakataon.

At si Bradley ang da­pat harapin ni Marquez.

“I think Marquez does not have to face Pacquiao for the fifth time,” wika ng promoter sa Mexican four-division titlist. “Last De­cember, Juan (Marquez) proved that he is su­perior, that he is better than him.”

Kung si trainer Joel Diaz naman ang masusu­nod, mas gusto niyang mu­ling sagupain ni Bradley si Pacquiao.

“I would like to come back and make it more decisive so that we leave no doubts on the people for the controversy,” wika ni Diaz. “If we would have been at 100 percent that night, the fight would have been more decisive.”