Jackson binigyan si Buss ng diamond ring

LOS ANGELES -- Kilala sa pag-angkin sa mga NBA rings, nagbigay naman ng isang singsing nga­yon si Phil Jackson.

Nakipag-engage ang retired coach na si Jackson, kumuha ng 11 NBA titles para sa Los Angeles Lakers at Chicago Bulls, sa kanyang longtime girlfriend at Lakers executive na si Jeanie Buss.

Nagposte si Buss ng kanilang larawan noong Huwebes ng gabi sa kanyang official Twitter account.

Ipinakita ni Buss ang diamond ring sa kanyang daliri sa kaliwang kamay.

Kasama sa tweet ang “Twitter family - Phil finally gave me that ring I wanted!”

Kasunod nito ay kinumpirma ni Buss sa ESPN.com ang pakikipagkasundo niya kay Jackson at si­nabing natanggap niya ang diamond ring noong Araw ng Pasko at siya ay “beyond happy.”

Nagsimula ang relasyon ng 67-na si Jackson at ng 51-na si Buss noong 1999.

Halos makabalik si Jackson sa Lakers noong Nob­yembre, ngunit mas pinili ng koponang maging ba­gong head coach si Mike D’Antoni.