Hindi masama na makisali lalo na kung ikakaunlad ng iyong financial goals.
Ang uso ngayon ay ang ‘Saving Challenge’ ngayong 2020.
Hindi naman kailangan biglain ang sarili kung hindi sanay na mag-ipon, pero oras na upang maging agresibo pagdating sa savings challenge.
Depende sa goals, ang iba ay nagsisimula muna sa piggy bank ng barya-barya ang hulog ng piso, lima, 10, 20, 50, 100, 500, at 1000 pesos.
Ang iba ay talagang deretso sa savings na bank account o insurance account. Simple lang ang rule, imbes na gastusin ay unahing ihulog muna sa iyong garapon, box, o savings account.
Ang idea ay para lumaki ang iyong deposit na mapanatiling disiplinahin ang sarili. Mas magandang kuwentahin na ang posibleng maiipon, upang ma-imagine kung magkano ang maiipon sa simpleng paghuhulog sa extra mong pera. Upang mapilitan at matupad ang iyong target na savings challenge ngayong taon.