Dear Vanezza,
Nilalayuan ako ng isa sa BFF ko dahil ang manliligaw niya ngayon ay dating namolestiya sa akin. Alam niya ang kuwento na apat na taon na ang nakalilipas. Wala naman akong pakialam sa buhay nila. Kung ipagpapalit niya ang friendship namin sa manliligaw niya, hindi ako affected. Napatawad ko na siya, pero hindi ko maalis na naiinis ako tuwing nakikita ko siya. Ngayon ay close siya sa BFF ko, worry ako na maging part siya ng mga get away namin o baka umiwas na lang sila o ako. Ano ba ang dapat kong gawin. – Miles
Dear Miles,
Kung hindi healthy na makita ang lalaking kinaiinisan mo ay ikaw na mismo ang lumayo. Kung ipagpalit ka man sa kanyang manliligaw ay hayaan mo sila. Tuloy ang buhay na huwag magpaapekto sa kanilang presensya. Hindi kailangan makasama sila sa mga lakad ninyong magbarkada. Marami ka pa naman ibang friends na magpapasaya sa iyong buhay. Hayaan mo ang kaibigan mo mismo ang makakilala ng kayahupan ng BF niya.
Sumasainyo,
Vanezza