Tag-init na naman kaya siguradong maglalabasan ang skin problems na pwedeng dumapo sa atin at isa na rito ay ang taghiyawat.
Maraming tao ang nag-aakalang dapat tirisin ang mga ito na siyang lalong makakalala ng sitwasyon ng ating balat. Ang pimple ay nabuo dahil sa bacteria at oil. Kailangan din ng kalinisan para makaiwas sa pagkakaroon nito.
Heto ang ilan sa pwedeng gawin sakaling dapuan ka ng pimple.
Honey/Pulot – Antibacterial ang honey na makatutulong labanan ang bacteria na dulot ng taghiyawat. Nililinisan at pinalalambot din nito ang ating balat at may bleaching effect pa para hindi magkapeklat.
Ice/Yelo – Mabisa ang yelo sa pamamaga. Kung ikaw ay may taghiyawat na patubo pa lang, agapan ito agad gamit ang yelo.
Toothpaste – Tunay na nakakapagpatuyo ang toothpaste ng mga taghiyawat. Ilagay lang ito sa apektadong parte ng balat ng magdamag (overnight).
Apple Cider Vinegar – maghalo ng 1 part ng apple cider vinegar at ihalo ito sa 3 hanggang 4 parts ng tubig (kung ikaw ay may sensitive skin). Ipahid ito sa mukha gamit ang bulak bago matulog.
Baking Soda – Anti-inflammatory din ang baking soda na makakatulong sa pamamaga ng pimple. Ihalo lang ito sa kaunting tubig at ipahid sa mukha.
Lemon – Acidic ang prutas na ito na magiging dahilan upang malinis at matuyo agad ang iyong pimple.