POSITIBO ang kaluluwa ni Anna. “ Ang importante, nakaya natin silang talunin.”
“Hindi ka na rin ba talaga muna pupunta sa liwanag, Anna?”
“Ha?”
“Kasi, ayun na o, Palapit na sa iyo. Ibig sabihin, kukunin ka na. Unang pagkuha ito sa iyo. Sasama ka ba?”
Naguluhan si Anna. “Paano ang pangako ko na hindi ako titigil hanggang hindi mawala ang mga masasamang multo. Na nakaharang sa maayos na buhay ng aking pamilya?”
“Nasa iyo ‘yon, Anna. Pero dapat mong malaman na oo, kapag hindi ka sumama ngayon, babalik pa rin ang liwanag. Para kunin ka uli. At kapag hindi ka na naman sasama, babalik na naman siya.”
“Gaano ba karaming pagkakataon ang ibinibigay para tayo ay maisama lang sa langit?”
“Pito. Tulad ng pitong araw ang ginugol ng Diyos para gawin niya ang daigdig. Kapag nagmatigas ka pa rin pagkatapos ng pitong araw, hindi ka na babalikan ng langit. Matutulad ka na sa akin, na kahit mabait na multo, maituturing pa rin na suwail na anak ng Diyos. Kaya nata-trap sa mundo ng tao.”
Itutuloy