Dear Vanezza,
Nahuli ko si papa na naninilip sa banyo habang naliligo ang pinsan ko. Hindi lang isang beses kundi limang beses. Nahihiya ako sa papa ko. Sinabihan ko ang pinsan ko sa huling beses na makita kong ginawa ito agad sa kanya ni papa. Plano na ng pinsan ko na umalis sa amin. Minsan ko nang sinabi kay mama, pero hindi siya naniniwala. – Michelle
Dear Michelle,
Mag-iingat ka kung aalis na ang pinsan mo. Lalo’t hindi naniniwala ang mama mo sa sinasabi mo. Makatutulong kung sasabihin mo sa kaanak na mas makikinig at puwedeng pagsabihan ang iyong magulang sa maling ginagawa ng papa mo; at sa hindi paniniwala ng mama mo. Kapag hindi pa rin umobra ay puwedeng magsumbong ka sa DSWD para sila ang kikilos sa tamang paraan.
Sumasainyo,
Vanezza