Nakapapraning na awayan ng mag-asawa

Maraming bagay ang walang katapusang pinag-aawayan ng mag-asawa. Hindi pa kasali ang mga major na pinagtatalunan ng dalawang mag-partner sa buhay. 

Wala pa rin sa usapan ang maliliit na bagay pero nakaiirita at nakasisira ng payapa at masaya sana ninyong tahanan. 

Tingnan ang mga nakakaaliw na pinagsisimulan ng tampuhan ng magsing-irog:  Kapag hindi inilalabas ang basura; ilang beses bisitahin ang biyanan; pag-utot, sino ang magdadala kay bunso sa isang birthday party; sino ang matagal kumilos; paghuhugas ng pinggan; kapag naligaw sa pupuntahan n’yo; paglilinis ng banyo; kung saang side ng pamilya magpa-Pasko; pagdighay; pagpapalit ng toilet paper; kapag inubos lahat ng chocolate ni mister; paglapag ng damit sa sahig; ayaw ni mister maki-bonding sa mga kaibigan mo; paano bibihisan ang mga bata; papanoorin sa TV; sa ilalagay ang pagkain sa ref; pagbabalik ng takip ng toothpaste; kapag ginawa niyang “friend” ang kanyang ex; naghihilik; lakas ng aircon sa kuwarto; ano ang ipapangalan sa aso; magkaiba kayo ng basketball team; hindi mo pa itinatapon ang bigay na regalo sa iyo ng ex mo, at pagpapalit ng toilet paper roll sa CR.