Dear Vanezza,
Tawagin mo na lang akong Edmund. Dalawang taon pa lang kaming kasal ng misis ko. Dati ko siyang classmate sa college. Sa maniwala ka o hindi, una at huli ko siyang gf pero alam kong dalawa na ang naging bf niya bago kami nagkarelasyon. Plain housewife siya at ako’y private employee. Masyado siyang selosa at iyan ang aking problema. Good boy naman ako at siya lang talaga ang babae sa buhay ko. Pero madalas niya akong awayin lalo na’t ginagabi ako ng uwi. Kung minsan kasi ay may overtime work ako. Anim na buwan pa lang ang baby namin at madalas kapag siya ay naghi-hysteria, nagigising ang bata at umiiyak. Paano ba magagamot ang sobrang selosa?
Dear Edmund,
Okey ang pagseselos kung nasa lugar. Pero kung nagiging unreasonable na, ito’y maaaring makasira sa isang relasyon. Bakit hindi mo siya i-date. Mamasyal kayo, manood ng sine o kumain sa labas as if magkasintahan lang kayo. Baka masyado na siyang nabo-bored sa bahay. Sa mga okasyon sa opisina ay isama mo siya at ipakilala sa mga katrabaho mo para mawala ang kanyang insecurity.
Sumasaiyo,
Vanezza