Ito ay huling bahagi ng paksa kung paano magiging ligtas ang inyong mga anak sa kanilang pag-aalaga ng kanilang pet. Narito pa ang ilang paraan:
Magpakita ng tamang pamamaraan – Hindi dapat na iniiwanan ang inyong alagang hayop na kasamang mag-isa ng inyong anak. Tiyakin na palaging mayroong matandang laging titingin sa kanila sa oras na nais makipaglaro ng inyong anak sa kanyang alagang hayop.
Ipakita rin sa inyong anak ang maayos na pakikitungo sa inyong pet at hindi dapat agad nagpapakita ng galit kapag nakakagawa ng mali ang inyong alagang hayop. Ito ay dahil baka malito ang inyong alaga sa inyong alaga sa uri ng relasyon na nais ninyong ibigay sa kanya. Kapag mayroon kayong alagang bata sa inyong bahay, tiyak na mas maraming oras ang naibibigay ninyo sa kanya kaysa sa inyong alagang hayop, lalo na kung ito ay aso. Ngunit pilitin pa rin na bigyan ng pansin ang inyong pet dahil tiyak na magpapapansin ito at kukuha ng inyong atensiyon. Ugaliin mo rin na isali minsan ang iyong anak kapag nakikipaglaro ka sa iyong pet para magkaroon din ng magandang pakikitungo ang inyong anak sa inyong pet. Ang resulta, hindi niya aawayin ang inyong pet. Kung mayroon naman sobrang budget, bakit hindi bigyan ng maayos na training ang inyong pet? Kung wala naman, bakit hindi mo subukan na ikaw mismo ang maging trainor niya. Turuan siyang umihi sa labas, maging malinis sa kanyang sarili at maging masunurin sa’yo.