‘Di pwedeng ituwid ang mali ng isa pang mali

Dear Vanezza,

Itago mo na lang ako sa pangalang Missy. After 10 years of marriage ay naghiwalay kaming mag-asawa. May 2 kaming anak. Nalaman ko na may babae siya sa ibang bansa. Para makalimot at maka-move on, pumatol ako sa iba. Sabi ko, kung kaya niyang mambabae kaya ko ring manlalaki. But my problem is, he’s married with 2 kids. Masaya naman kami pero nandun pa rin young feeling of incomplete. May fear din na baka malaman ng misis niya. Mailap siya pag lumalabas kami dahil baka may makakita sa amin na kakilala niya. Ask ko lang, may pag-asa pa bang magkabalikan kami ng asawa ko? May feelers kasi na gusto niya akong balikan dahil sumama rin sa ibang lalaki ang babae niya. Ano ang gagawin ko?

Dear Missy,

Ang pag-asang magkabalikan ay laging naririyan. Pero ang naghahangad na mangyari ito ay dapat gumawa ng hakbang. Sa kaso mo dahil sa kataksilan ng mister mo ay ipinasya mong maging taksil din. Mali. Unang-una, pamilyado ring tao ang sinamahan mo at mayroong nagdurusa dahil sa inyong relasyon. Sabi nga ng kasabihan, hindi puwedeng ituwid ang pagkakamali ng isa pang pagkakamali. Para sa kapanatagan ng iyong isip, mabuting hiwalayan mo na ang bf mo. Kung mahal mo pa ang asawa mo, give your marriage a second chance at sikaping mabuong muli ang inyong pagsasama alang-alang sa inyong anak.

Sumasaiyo,

Vanezza