Dear Vanezza,
Dati po akong palikero. Sa kabila nito, malungkot akong nag-iisa ngayon. May mga kapatid ako at mga kamag-anak na malalapitan pero ayaw ko naman na maging pabigat sa kanila. Naalala ko tuloy ang babae na minsan kong minahal at nagbunga ang aming pagmamahalan pero pinaglayo kami ng tadhana. Hindi ko na inaasahang magkikita pa kaming muli. Hindi ko na rin pinag-iisipang magpamilya pa at ito naman ay tanggap ko na. Sana’y mabigyan n’yo ako ng payo kung paano mapapawi ang kalungkutan sa buhay lalo na ang malungkot na pag-iisa. Salamat po.
- Vic
Dear Vic
Talagang malungkot kung nag-iisa. Kung wala ka na talagang balak mag-asawa, bakit hindi mo alamin ang kalagayan ng babae na minahal mo at nagkaanak ka? Malay mo, nangungulila rin sila sa iyo sakaling wala pa siyang ibang pamilya. Kung hindi naman, subukan mong iukol ang panahon mo sa makabuluhang mga gawain. Maaaring sa gawaing ispiritwal o sa pag-agapay sa mga kamag-anak o iba pang gawain kung saan ka interesado.
Sumasaiyo,
Vanezza