Regular dapat ang korte ng buong opisina.
Maluwag at maaliwalas ang reception area.
Ang desk lalo na ang sa executives at managers ay dapat na malaki at malapad. Ang sandalan ng upuan ay dapat na mataas at may arm rests. Kagaya ng trono ng hari, di ba’t ang upuan nila ay laging may mataas at malapad na sandalan at matibay na arm rests? Ang ganitong yari ng upuan ay nagpapahayag ng awtoridad. Iwasang maging sobrang pointed ang kanto ng mesa dahil ito ay magiging poison arrow.
Kung regular ang shape at layout ng opisina, ito ay magdadala ng financial fortune sa kompanya. Magiging harmonious ang relasyon ng mga empleyado; at magdadala ng healthy environment, kaya mababawasan ang absences dulot ng pagkakasakit.
Kung may beam sa opisina, iwasang pumuwesto sa tapat nito. Isa pang dapat iwasan ay mapatapat sa nakaumbok na kanto ng poste dahil nagdudulot ito ng poison arrow.
Kung wala nang paraan para maiwasan ang kanto ng poste, magdispley sa tapat nito ng mataas na halaman kagaya ng bamboo plants upang maharangan ang poison arrow sa pagtama sa empelyado. O, kaya magsabit ng 5-rod metal windchime sa kisame, tapat ng nakaumbok na kanto ng poste.
Kung ang korte ng isang kuwarto sa opisina ay hindi regular, makokontra ang bad energy sa pamamagitan ng paggamit ng maliliwanag na bombilya.
Iwasang ibigay sa manager ang kuwartong may irregular shape dahil ang epekto nito ay mamaliitin ng kanyang mga tauhan ang kanyang kakayahang mamuno kaya mabibigo siyang i-exercise ang kanyang awtoridad.