Ang “Feng shui help†na ito ay para doon sa mga taong nakaranas ng trauma: namatayan, nasunugan, biktima ng Yolanda…at iba’t iba pang nakakalungkot na pangyayari sa buhay. Ito ang mainam na gawin upang manumbalik ang maaliwalas na pagtingin sa buhay:
Maglagay ng square na papel sa ilalim ng kama. Itapat ito sa iyong torso/ katawan. Mas mainam kung may makukuha kang brown Manila paper pero okey lang kahit anong klaseng papel basta’t malinis. Ang square na papel ay simbolo ng earth element. Makakatulong ito upang manumbalik ang iyong tiwala sa sarili at sigla na ipagpatuloy ang buhay anupaman ang masamang nangyari sa buhay.
Habang nakahiga at nakatapat ang papel sa iyong torso ay sambitin ang mga sumusunod na affirmation: Maibabalik sa positibong paraan ang buong kapaligiran lalo na ang aking buhay.
Ulit-ulitin mo ito hanggang sa makatulog ka.
Laging gumamit ng mga bagay na kulay orange.
Kumain ng mga pagkaing may kulay orange.
Laging magsuot ng damit na may kulay orange.
Nakakaalis ng trauma ang kulay orange.
Imadyinin na binabalot ng kulay orange na liwanag ang iyong katawan. Gawin ito, kapag nawawalan ka ng pag-asa sa buhay.