Dear Vanezza,
Tawagin mo na lang akong Lena, 39 years old. Iniwan ako ng asawa ko dahil sa babae. May 3 kaming anak. Halos dalawang taon din siyang nawalay sa amin. Ngayon nakikipagbalikan siya. Humihingi siya ng tawad. Patatawarin ko na sana siya dahil hindi madali ang solong pagtataguyod ng aming mga anak. Pero tutol ang aking mga magulang. Pagpayuhan po ninyo ako kung ano ang gagawin ko.
Dear Lena,
Ikaw lamang ang makapagdedesisyon kung patatawarin o hindi na ang iyong naglokong asawa. Dahil ikaw lamang ang nakakabatid kung ano ang pinakamabuti para sa iyo at sa inyong pamilya. After all, asawa mo pa rin siya. Kung nararamdaman mo ang sinseridad sa paghingi niya ng tawad, huwag mong ipagkait sa kanya ang tsansang mabuo muli ang inyong pamilya kapiling ng inyong mga anak.
Sumasaiyo,
Vanezza