Dear Vanezza,
I’m 14 years old at maagang nagka-bf. Varsity player po siya sa aming school. Matangkad, pogi at magaling sa basketball kaya maraÂming nagkakagusto. Pero kapag dinudumog siya ng ibang babae ay nagseselos ako. Inaaway ko talaga ang bf ko. Gusto ko ay ako lang ang pagkakaabalahan niya. Kahit sinasabi niyang ako lang ang mahal niya ay nai-insecure ako. Minsan ay may inaway akong babae sa school. Kasi niyakap niya at hinalikan ang bf ko. Nasampal ko siya at ‘dun kami nagsimulang magsabunutan. Pareho kaming na-guidance. Ano po ang gagawin ko para mawala ang insecurity ko? - Azel
Dear Azel,
Kumuha ka ng sikat at guwapo, that is the price you have to pay. Pero hindi ka dapat ma-insecure kung sa dinami-dami ng magagandang babae sa inyong school ay ikaw ang napili ng bf mo. Dapat maging proud ka pa nga. Okay ang pagseselos na nasa lugar. Pero kung sumosobra, delikado iyan. Nagbibigay iyan sa tao ng kahihiyan katulad ng ginawa mo sa isang fan ng bf mo. Alisin mo ang pagseselos na wala sa katuwiran. Kung hindi, baka mapuno ang siyota mo at iwanan ka.
Sumasaiyo,
Vanezza