Ito ay ikalawang bahagi ng paksa hinggil sa kung paano ka magiging matapat sa iyong kaibigan at hindi mo siya itsitsismis sa iba. Narito ang ilang paraan para makawala ka sa ganitong sitwasyon:
Komprontahin ang sarili – Upang hindi mo na ito muling magawa sa sinuman sa iyong mga kaibigan, dapat mong bigyan ng leksiyon ang iyong sarili para matigil na ang pagiging traidor mo sa iyong mga kaibigan at mangako na hindi mo na ito uulitin pa.
Mag-isip mabuti – Kung ugali mo na ang pagiging madaldal o palaÂkuwento, dapat ay magsanay ng paglalagay ng pansala sa iyong utak sa pamamagitan ng pag-iisip mabuti bago maglabas ng anumang salita mula sa iyong bibig. Isipin mo kung hinihingi ba ng pagkakataon na sabihin mo ang isang impormasyon.
Magpasuri - Kung sa tingin mo ay hindi mo kayang gamutin ang pagiging tsismosa sa sarili mo ang, bakit hindi ka kumunsulta sa isang propesyunal na makakatulong sa’yo hinggil dito? Para matukoy mo anong problema sa iyong pag-uugali at ang pagkakalat ng tsismis.
Linisin ang iyong konsensiya – Kung sakaling hindi mo na matagalan ang tawag ng iyong konsensiya dahil sa iyong ginawang pangtsitsismis sa iyong kaibigan, maaari ka naman humingi sa kanya ng tawad. Huwag ka ng magturo ng mali ng iba, bagkus ay akuin ang iyong pagkakamali at pagsisihan ito ng lubusan para magkaroon ng tunay na “healing†sa inyong sa pagkakaibigan. (Itutuloy)