Kapag nanlalamig sa sex...

Minsan dumarating sa buhay ng isang tao ang sitwasyong hindi niya inaasahan gaya ng pagkakaroon ng sakit, may panahon na kaya mong tanggapin ang sitwasyon, may panahon naman na hindi mo ito kayang tanggapin dahil sa pagiging malala nito. Kagaya ng kalagayan ng texter na si Marlon, 39, may-asawa. Nakakaramdam siya na nawawalan na siya ng gana na makipagtalik sa kanyang misis, kahit gusto niya, dumarating ang oras na wala ang tikas ng kanyang alaga. Nais niyang malaman kung anu-ano ba ang mga bagay na dapat ikonsidera para masabing kailangan ng isang tao na magpatingin sa isang “sex therapist”? Narito ang ilang gabay kung anu-ano ang mga bagay na dapat mong ikonsidera para masabi mong kailangan mo ng “sex therapist”.

Kondisyon ng kalusugan – Minsan, apektado ang iyong “sex life” ng ilang sakit sa iyong katawan gaya ng diabetes, kung ikaw ay nagkaroon ng aksidente at naapektuhan ang iyong ulo at spinal cord, pagkakaroon ng sakit sa puso, depresyon at high blood.

Walang “sex drive” – Kailangan mo rin ng “sex therapist” kung bigla ka na lang nagkaroon ng pagkakaiba ng “sex drive” sa iyong partner. Dapat din na magpatingin sa therapist kung mayroong hindi magandang karanasan sa sex. Halimbawa nakaranas ka ng pang-aabusong sekswal o ikaw ay na-rape.