Boyfriend ko si kamatayan (2)

NAINSULTO si Lezzy sa sagot ng binatang secret love. Ayaw daw nitong makipagkilala sa kanya. “Excuse me? Hihiyain mo ako?”

“Masyado kasing agresibo ang approach mo, miss. Tinuturuan lang kitang maging refined, pino.”

“Suplado ka pala.  Akala mo naman kung sino ka.” Inis na inis si Lezzy.  “Kung ayaw mo, huwag.”

Bago pa nakasagot ang lalaki ay tinalikuran na ito ni Lezzy. Namumula sa ngitngit ang spoiled  rich lady.

Nasa kotse na siya nang may humabol.

“Hey, wait!”

Ang lalaking ‘suplado’.

“Ano’ng kailangan mo?”  Si Lezzy naman ang nagsuplada.

“Puwede ka bang makilala?” Nakangiti ang lalaki, mababa ang tinig, anyong pagkabait-bait. “Please.”

Tingin ni Lezzy ay nagpapa-cute pa ito. Parang nalusaw ang inis niya rito.  Nais niyang matawa sa anyo ng lalaki.

Natawa na nga si Lezzy. “Hi-hi-hi!”

Lumabas na ng kotse si Lezzy,  nagbalik ang sigla.

“Ikaw si Miss…?”

“Lezzy Liston. And you are…?”

Nag-alanganin ang lalaki. “Huwag na lang kaya…”

“That’s unfair. Nakilala mo na ako, I must also know your name.”

Nakasandal sila sa kotse. “Promise hindi ka magtatawa sa pangalan ko, Lezzy?”

“I promise.”

“Ako si Negro Angelo.”

Napatanga ang dalaga. Binibiro ba siya ng kausap?

“Are you kidding me? Pinangalanan kang Negro Angelo? Na kung ita-translate ay Black Angel?”

Tumango ang lalaking tipong artista—tall, dark and handsome.

“Iyon talaga ang pangalan ko. NA for short.”

“Amazing! Negro Angelo! NA!” Aliw na aliw si Lezzy.

“Puwede mo rin akong tawagin sa first name ko.”

Natawa uli si Lezzy, umiiling. “Hi-hi-hi! Huwag na lang.

Ayokong tawagin kang Negro.”   (ITUTULOY)