Dear Vanezza,
Ako’y biyuda na sa buhay. Iniwanan ako ng mister ko para makisama sa ibang babae. Mabuti na lang at wala kaming anak. Kung hindi’y, hindi ko alam kung ano ang gagawin ko. Sa ngayon ay may pumoporma sa akin. Katulad ko rin siyang hiwalay sa asawa. Sabi niya, ang asawa niya raw ang nagtaksil. Maraming pagkakahawig ang kuwento ng aming buhay. Mabait siya at maginoo. Nagugustuhan ko na rin siya. Tama ba na pumasok ako sa isang bagong relasyon? - Zeni
Dear Zeni,
Kung nalulungkot ka lang kaya ka papasok sa bagong relasyon, kalimutan mo muna dahil baka bagong kalbaryo lang ang pasukin mo. Isa pa, kahit mister mo ang unang sumakabilang-bahay, sa harap ng batas ay legal pa rin kayong mag-asawa. MabuÂting asikasuhin mo muna ang pagpapawalang bisa ng inyong kasal. Puwedeng basehan ang pagtataksil ng iyong asawa.
Sumasaiyo,
Vanezza