Lalakeng na-link kay Bea, kadugo ng mga may-ari ng Araneta Center!

Kahit nilinaw na ni Bea Alonzo na friends lang sila ni Jose Fores sa kanyang IG post, nananatiling naka-off ang comment box ng Instagram ng binata. Hindi lang ang photo nila ni Bea ang hindi na makita sa IG nito, pati ang ibang photos na aliw pa naman tingnan.

Sabi nga ng isang netizen, nagsusumigaw ang pagka-conyo ng pamangkin nina Veana at Margarita Fores sa mga post nito at pamangkin na rin ni Mar Roxas.

Kahit naman si Bea, ayaw ring tigilan ng bashers, ang aktres ng Widows’ War ang sinisisi sa paglutang ng photos nila ni Jose. Ito ay kahit ang binata ang nag-post ng photos nila ng aktres noong Oct. 12 pa at ni-repost ni Bea dahil naka-tag siya.

Mabuti na lang at hindi mapagpatol si Bea sa mga iniisyu sa kanya at dahil nga sa isyu sa kanila ni Jose, sinabihan siyang wala nang star factor na inalmahann ng kanyang fans. Tama naman na kung wala nang star factor ang aktres, bakit sinusugod pa rin siya sa kanyang IG account para awayin at i-bash?

As for Jose, kahit ilan pa ang mam-bash sa kanya, hindi mababago ang katotohanan na rich siya... old rich at sa pamilya nila ang Araneta Center. Pati ang 40 hectares sa Cubao area.

Kathryn, natakot sa tatay

Sa mga nakapanood na ng Hello, Love, Again, alam na tiyak kung ano ang eksena nina Kathryn Bernardo at Alden Richards sa movie na kinabahan ang aktres sa magiging reaction ng kanyang ama.

Pinuntahan daw agad nito ang ama pagkatapos lumabas ang eksena para kumustahin at para na rin siguro marinig kung pagagalitan siya. Sabi ng mga nasa premiere night, masaya at nakangiting niyakap siya ng daddy Teddy niya, patunay na walang dapat ikatakot si Kathryn. “Papa! Ikaw ang naisip ko habang nagki-kiss ako. Sabi ko, ‘kumusta kaya Papa ko,’” wika ni Kathryn na nakunan ng TikTok. Maririnig ang halakhak ng dad niya, samantalang, nasa tabi nito ang mom niya na nakangiti lang.

Carmina, pasok sa widows’ War 

Extended ang Widows’ War at mali ang tsikang maaga itong tatapusin ng GMA dahil sa nangyari kina Rita Daniela at Archie Alemania. Nabalita kasing hindi na itutuloy ang extension ng series na aabot sa January 2024, pero nilinaw na tuloy pa rin ang extension at abangan pa rin gabi-gabi ang mga pasabog at rebelasyon.

Isang patunay na extended ang WW ay ang pagpasok ni Carmina Villarroel.