Sikat na aktres, nagpipigilng gigil sa kapwa aktres

Nagpipigil lang daw ang isang sikat at magaling na aktres sa female co-star niya na magaling din namang umarte, huh!

Magkasama ang dalawa sa isang at kapag eksena raw na silang dalawa ang magkasama, hindi basta pumupunta sa set ang magaling na aktres.

Bakit? Kasi naman daw, ayaw niyang maghintay sa set hanggang hindi dumarating ang co-star niyang aktres. At another bakit?

Kasi, mabagal kumilos daw ang aktres. Hinay-hinay kung maglakad at ilang minutes ang tagal ng paglalakad niya pati na pag-aayos!

Pagdating naman sa pag-arte, wala namang maisusumbat ang magaling na aktres. ‘Yun lang pagkilos nito ang diperensiya na pinagpapasensiyahan na lang ng magaling na aktres upang hindi ma-walk out ang magaling na aktres!

LT at Juday, may mabangis na plano!

Powerhouse ang cast ng 20th year offering ng Quantum Films na Espantaho dahil bida sa horror movie event ang award-winning actresses na sina Lorna Tolentino at Judy Ann Santos, huh!

Ang dagdag pang excitement, sinulat ito ng award-wnning director na si Chris Martinez, ang writer, habang ang Master Director na si Chito Roño ang nagdirehe ng movie!

Bukod sa dalawang main cast, nasa movie rin sina JC Santos, Chanda Romero, Mon Confiado, Nico Antonio at may special roles sina Eugene Domingo at Tommy Abuel.

Kagabi ang cast reveal ng Espantaho!

Kuwento ng isang pamilya na may kanya-kanyang sikreto kasama na ang mababangis nilang plano!