Emilienne, proud jowa sa movie ni Joshua
![Emilienne, proud jowa sa movie ni Joshua](https://media.philstar.com/photos/2024/08/18/222_2024-08-18_21-30-40.jpg)
Proud jowa ang Pinay-French athlete na si Emilienne Vigier sa massive success ng latest movie ng karelasyong si Joshua Garcia katambal ang ex nitong si Julia Barretto.
Chika ni Emilienne, pinanood niya nitong Sabado ang JoshLia reunion movie na Un/Happy for You na patuloy na namamayagpag sa takilya at may earnings nang P104 million.
“I didn’t really get to watch a lot of Filipino films growing up, so to be honest, I’ve never really seen any of your films together @garciajoshuae and @juliabarretto or any directed by @awarewolves until now.
“And I can’t wait to watch more because of this movie.
“You all have my utmost respect for the craft you all have. Making so many Filipinos happy and comforted with your undeniable talent all around the world. Salamat.
“I can’t feel prouder of you, @garciajoshuae. I am beyond moved. This deserves an award. Period. I’ve been excited all year and this is exactly why.
“The film is so packed with love and lessons that heals so many wounds & that sometimes endings can be beautiful too. An honor to have seen this come to life,” buong post ni Emilienne sa kanyang Instagram story.
Naka-tag pa si Moira dela Torre at sinabing naluha na naman siya sa ganda ng boses nito.
Malaki ang nagawa ng kantang Paubaya ni Moira sa pelikula na ginamit ng love theme ng Un/Happy for You.
Donny, target din ang Hollywood
True ba na may Hollywood project si Donny Pangilinan?
Yup, in the bag na diumano ang nasabing project pero walang ibinigay na detalye ang kausap naming source.
Ang ganda raw ng feedback sa mga local artist natin sa Hollywood kaya talagang parang unti-unti nang nabubuksan ang opportunity ng mga Pinoy actor sa Amerika.
Kaya parang may semblance of truth ang kuwento ng kausap namin.
Tulad na lang ni Dolly de Leon at Liza Soberano. Ganundin si Lovi Poe. Napupuri raw sila ng mga nakakatrabaho.
Pero mas busy na raw talaga si Dolly. Nasa poster siya ng Jackpot starring John Cena and Awkwafina (American actress and comedian).
Aniya nga sa isang post : “Jackpot! was the first ever film I shot in Georgia! Actually in the whole of the U.S. and it was an out of body experience working with genius @paulfeig, director of my ultimate favorite comedy film, Bridesmaids. Not to mention Sean William Scott whom I would only watch in movies, I got to have the best fun with on set! And what a great crew we had too”
Streaming ito sa Prime Video.
At sinagot ang nasabing post ng American film director Pail Feig – “We love you, Dolly! Thank you so much for lending your amazing talents to our fun little film. You’re the best!”
So ano kaya ang nasabing project ni Donny?
Ogie, may hugot pa sa ginawa ng anak
Sa 2023 Kapamilya Christmas party nabuo ang The King 4Ever ni Martin Nievera na gaganapin sa Araneta Coliseum sa Sept. 27.
Ang A-Team ni Ogie Alcasid ang producer along with Cacai Velasquez ng 42nd anniversary ni Martin sa entertainment industry
Naalala ni Ogie na nasa isang dressing room sila ni Martin nang pag-usapan ang plans for 2024. “So, I kind of asked him kung ‘when are you doing your concert?’ He actually didn’t know, so sabi ko, ‘o, let’s produce your concert.’ So, sabi niya, ‘ikaw, kung gusto mo.’ Akala niya, hindi ako seryoso,” rebelasyon ni Ogie.
At dun na nga nag-umpisa ang lahat.
Why Martin? “Well, Gary (Valenciano) was not available,” joke ni Ogie sa ginanap na mediacon last Thursday sa Solaire North Skybar.
“Ganyan siyang kaibigan,” hirit ni Martin na tumatawa.
“You know, si Martin, he’s very humble. He doesn’t wanna be called ‘king.’ But he is our king, he is our Concert King, so if he doesn’t wanna say it, I will say it,” pagseseryoso na ni Ogie.
Naiintindihan naman ni Ogie kung bakit takot na si Martin na mag-concert sa malaking venue na nabanggit niya during the presscon din.
Fear aniya ‘yun ng lahat ng artist. “Alam mo, fear lahat ‘yan ng artists. So, as an artist, I can totally identify with that. But we’re here. Sabi ko nga sa kanya, we’re here behind him, ‘you have a great team behind you, and we’ll make sure that all your subjects as a king, we’ll be there,” na ikinatawa ng concert king.
“I think the energy is set right by Martin, that you know. I like what he said—that he’s in a good place. I like what he said: that he’s okay, that he feels good, and I think that’s the best position to be as he prepares for, as he says, his biggest challenge,” dagdag pa ni Ogie.
“You know, it’s also a big challenge for us as a producer but I think, in life, you have to do things that really scares you, otherwise, your life will be totally boring.”
Pero sama-sama raw silang haharapin ang takot na ‘yun.
Samantala, umamin din ang singer / composer / producer na sumama nga ang loob niya sa anak na si Leila nung umalis ito ng bahay at sumama sa boyfriend na si Mito Fabie / Curtismith.
Nabanggit ito ni Ogie sa It’s Showtime last week, sa segment na EXpecially For You, kung saan napag-usapan ang pakiramdam ng magulang kapag ang anak ay umaalis na sa poder nila.
“Ito naman ay open naman ito, ‘yung panganay ko actually bumukod, na ikinasama ng loob ko at sinabi ko sa kanilang dalawa ng boyfriend niya, ‘Bakit hindi kayo nagsabi sa akin?’
“E alam mo naman ang kabataan, hindi magsasabi ‘yan e at lalo mong pipigilin, gagawin pa rin nila.
“Hanggang sa sinabi ko, ‘Alam n’yo, masama ang loob ko sa inyo na nagawa n’yo yan. Pero gayunpaman, kayo ay nag-a-adulting na, gawin n’yo ‘yan, bahala na kayo sa buhay n’yo,’” banggit ni Ogie sa Showtime.
Pero aminado siya, hindi mo naman pwedeng pigilan ang anak sa gusto nitong gawin.
“Kasi bilang magulang, hindi mo talaga mapipigilan ‘yung anak ninyo e. Kahit ano’ng gawin ninyo, gagawin at gagawin nila. So kami bilang magulang, nandiyan lang kami, naghihintay lagi kung kailan n’yo gusto bumalik.
“Halimbawa lang, may nangyari sa kanila na hindi sila magkatuluyan, nandoon ka pa rin mag-aabang, ganun ang role namin.”
Si Michelle Van Eimeren, first wife ni Ogie na former beauty queen ang ina ni Leila.
- Latest